محــــاورة بين بوش وبليــــر
بلير
الله لايجزاك بالخـــير يابــوش ************ ورطتنا في حرب صـــدام ورطة
عزمتني تقول بترول وقروش *********** بس الحقيقة روحتي معك غلطة
خلوووووووووووووووووووووها
بوش
يابلير رد العلم عن بوش بن بوش******** اللة خلقــــــــنا للمقاريد سلـطة
وابوي عنده للرياجيل دنبـــوش *********** كم واحد شلنا فلـــوسة ونفطة
خلوووووووووووووووووووها
بلير
ابوك والنعمين مير انت مربوش ********** تمــوت بالبترول وتحب شفطـة
صحيح عندك مال وسلاح وجيوش ********* مير اتوقع لك تدهور وسقطــة
خلوووووووووووووووها
بوش
يابلير كانك خفت يوم احتمى الهوش ******** حرام ماتاخذ من النفط نقطـــة
قبلك ترى شيراك قد راح مكــــروش ******** شوفة يصرح كل يـوم بمحطة
خلووووووووووووووها
بلير
وراك ماتعطي لشيراك عرمــــــــوش *********** تراة مشغلنا بشيلة وحطـــــة
وليا انتهى موضوعنا نرسل طــروش ********** ونجمع المبلغ من الربع قطـة
خلوووووووووووووووووووووووا
بوش
شيراك هذا عندة الفكر مغشـــوش ********فرط علي في مجلس الامن فرطة
يدزة اليــابان والصين ويطـــــــــوش ***** ومجهز الفيتـــــو لتحقيق شـرطة
خلووووووووووووووووووووها
بلير
يابوش انا مرهق وخايف ومدهــــوش ********وانتة تقول الحرب خــدعة وخطة
اسرآي واسراك امتلا منهم الحــــوش ********عز اللة انة صابني منك جلــــطة
خلوووووووووووووووووها
بوش
ماقلت لك كم فيه اذاعات ودشـــوش ********لاتكشف المعنى وانا اقول غطة
وان قالوا انا علوج واصحابنا جحوش ******ماهمنا الصحاف ولي يحـــــــطة
الرئيسية 
موضوع: محاورة بين بوش وبلير 
